MANHAJINMU DABAN YAKE DA NASU:

1. Yana da kyau Duniya ta ƙara sanin cewa Manhajin Ahlus Sunnah Wal Jama’ah cikin ta’amuli sam sam ba ɗaya ba ne yake da manhajin masu yin bidi’ah a cikin Musuluncinsu.

2. Yana da kyau a san cewa duk da yake su Ahlus Sunnah Wal Jama’ah suna matuƙar kushe wa bidi’ah da aikata ta, toh amma kuma babu ɗaya da za ku gani daga cikin Manƴan Malaman su Ahlus Sunnah Wal Jama’ah da zai riƙa haɗa kai da wasu  kafurai, ko yana ƙiran a haɗa kai da wasu kafurai domin a cutar da addinin Musulunci ta hanyar ƙasƙantar da ma’anawiyyarsa. Haka nan babu ta inda za ku ga cewa yana fifita cin nasarar kafirci a kan wata bidi’ah daga cikin bidi’o’in da ƴan bidi’ah suke aikatawa. Ku lura da kyau za ku tabbatar da wannan haƙiƙar.

3. Toh amma Manyan Malaman ƴan bidi’ah saboda ƙoƙarinsu na kare wata bidi’ah da suke kan ta, tabbas za ku ga cewa a shirye suke da su haɗa kai da kafurai domin su yaƙi Musulunci ta hanyar ƙasƙantar da ma’anawiyyarsa.

4. Ku lura, ko a nan Nigeria kuna iya fahimtar wannan a cikin sauƙi; ku lura sau da dama ne za ku ji cewa Manyan Malaman ƴan bidi’ah suna ce wa magoya bayansu: Da ku zaɓi memba cikin membobin Ƙungiyar Jama’atu Izalatil Bid’ah Wa Iƙamatis Sunnah domin ya zamanto shugaban Ƙasar Nigeria, ko gwamnan wata jiha, ko shugaban wata ƙaramar hukuma, toh gwamma  ku zaɓi kafuri kirista mai ƙaryata Annabi Muhammad  غليه الصلاة والسلام mai ƙaryata Alƙur’ani da Hadithi; tunda dai shi ba zai kafirta ku ba!! Duk kuwa da cewa babu kafirta mutum da ya wuce a ce da shi: Annabi Muhammad Annabin ƙaraya ne, Alƙur’ani littafin ƙarya ne!!

5. Ku ƙara lura, har abada babu inda za ku ji wani daga cikin Manyan Malaman Ahlus Sunnah yana ce wa jama’arsa: Da ku zaɓi ɗan bidi’ah gwamma ku zaɓi kirista. Tabbas babu wannan a iya sanina; saboda haka masu ƙoƙarin riƙo da Sunnah sam sam ba ɗaya ba ne suke da waɗanda bidi’arsu ce kaɗai ta dame su

About the Author

Rashid Yahya

Editor

Visit Website View All Posts