JAHILCIN ƳAN TATSINE DA ILHADINSU: -

1. Ƴan ƙalaƙato/ Ƴan tatsine/Ƴan Ƙur’ani zalla mutane ne da suke ƙoƙarin aiwatar da ajandar maƙiya Musulunci na wannan zamani ta hanyar zaƙulo wasu nassoshin Shari’ar Musulunci da suke ɗauke da hukunce hukunce irin na kisa da abin da ya yi kama da haka, sannan sai su fito bainar jama’a su ƙaryata nassoshin, su ce wa jama’a: nassoshin suna ɗauke ne da ayyukan ta’addanci! Kuma don su yaudari jahilai sai su ce: sun ƙaryata nassoshin ne domin kada a jingina wa Annabi mai tsira da amincin Allah ta’addanci !!

2. A babin ridda suna yin isgili tare da ƙaryata Ingantaccen Hadithin Annabi mai tsira da amincin Allah, wanda yake bayyana hukuncin mutumin da ya yi ridda inda ya ce: ((من بدل دينه فاقتلوه)): ((Wanda ya canja addininsa ku kashe shi)) inda suke cewa wai shi Hadithi ne da yake koyar da ta’addanci !!

3. Waɗannan ƴan tatsinen saboda tsabar jahilcinsu ba su san cewa ba ai shi wannan hukuncin hukunci ne sananne ne ga masana shari’un Annabawa da Manzanni, kuma kusan dukkan Annabawa da Manzanni irin wannan hukuncin ne yake rubuce a cikin littattafansu, shi ne yake rubuce a cikin Bible ɗin da a yanzu haka yake hannayen Hahudawa da Kirista, ina nufin Tsohon Alƙawari da Sabon Alƙawari.

4. Misali: Yana rubuce a cikin Sabon Alƙawari a cikin Hebrews sura ta 10 aya ta 28, kamar haka: ((He that despised Moses law died without mercy under two or three witnesses)). ((Duk wanda ya saba wa Shari’ar Musa za a kashe shi ba tare da tausayi ba idan aka samar da shaidu biyu ko uku a kan hakan)).

5. Haka nan yana rubuce a cikin Exodus, sura ta 22 aya ta 20 kamar haka: ((He that sacrificeth unto any god, save unto the LORD only, he shall be utterly destroyed)). ((Duk wanda ya yi yanka ga wanin Allah Shi kaɗanSa tabbas za a kashe shi)).

6. Haka nan yana rubuce a Deuteronomy sura ta 13 aya ta 6-9 kamar haka: ((If thy brother, the son of thy mother, or thy son, or thy daughter, or the wife of thy bosom, or thy friend, which is as thine own soul, entice thee secretly, saying, Let us go and serve other gods, which thou hast not known, thou, nor thy fathers; Namely, of the gods of the people which are round about you, nigh unto thee, or far off from thee, from the one end of the earth even unto the other end of the earth; Thou shalt not consent unto him, nor hearken unto him; neither shall thine eye pity him, neither shalt thou spare, neither shalt thou conceal him: But thou shalt surely kill him; thine hand shall be first upon to put him to death, and afterward the hand of all the people)).

7. Amma abin da ya kamata Duniya ta sani a nan shi ne hukuncin ridda yana tabbata ne kaɗai a gaban alƙali tare da shaidu da kuma dukkan wani abu da ka’idar alƙalanci ke bukata, ba abu ba ne wani mutum ko wasu mutane za su ɗaukan ma kansu shi a hannayensu kawai