MUHADARAR WANI MURAKKABIN JAHLIN BATIJJANE:

1. Na saurari muhadarar wani murakkabin jahili batijjane a inda yake cewa wai kafin kafa ƙungiyar Izalah a 1978, watau shekaru 47 da suka wuce babu wani tashin hankali a tsakanin al’ummar Musulmi a cikin Nigeria!! Haka wannan bawan Allah ya faɗa a tsakanin magoya bayansa; saboda shi jahili ne bai san cewa: bayan zuwan Sheikh Ibrahim Nyass garin Kano a shekarun 1950, an samu cece-ku ce tsakanin malamai ba, a kan matsayin ƙabalu a sallah, har sai da ta kai, wasu ba sa bin wasu sallah, wasu ba sa cin yankan wasu ko wasu na kallon wasu ba a musulmai ba. A wasu lokuta ma, har ta kai an zubar da jini, an yi wa juna rotse ko an salwantar da rayuka. Har sai da ta kai, an sanyawa masu riƙe da wannan fahimta ta addini suna “ƴan ƙabalu”. Su da kansu sai da su ka yi wa kansu shaida domin su bambanta kansu da sauran musulmai: Su na rataya carbi a wuya, har ma aka samu wasu masallatai da ake ƙira: Masallatan ƴan ƙabalu.

2. Kuma ko shekaru goma da suka wuce ma, a ranar juma’ah 03/10/2015, a yayin buɗe wani masallacin juma’ah a ƙofar Wambai a garin Kano an yi tashin hankali a tsakanin ƴan ƙadiriyyah da ƴan tijjaniyyah.

3. Kuma shi tashin hankali da kashe kashen juna da kafirta juna a tsakanin mabiya addini guda ɗaya ai ba sabon abu ba ne a tarihin Duniya; misali: an samu tashin hankali da yaƙi da kafirta juna a tsakanin Catholic da Protestant har na tsawon shekaru 30 a ƙasashen Turai a inda aka kashe mutane fiye da miliyon 12, a tsakanin 1618 zuwa 1648.

4. Kuma an samu tashin hankali da kashe kashe a Turai a tsakanin Orthodox da Catholic a shekarun 1590 zuwa 1596, da kuma a shekarar 1656.

5. Sannan membobin kungiyar Izalah su ne suka fi kowa kamewa da nisantar kai wa kowa hari a ƙasar nan; sawaa’un da makami kokuwa da hannu, ni dai a iya sanina membobin ƙungiyar Izalah ba su taɓa kai wa kowa hari ba, ba su taɓa rusa wa kowa masallaci ba, hasali ma domin guje wa tashin hankali su su kan kan gina masalatansu ne a gefe domin aiwatar da Da’awah da karantarwarsu. Tabbas, membobin ƙungiyar Izalah su ne suka fi kowa wayewa da islahi a tsakanin al’ummar musulmin Arewacin Nigeria; su ne waɗanda har abada ba za ka ga yaransu suna bara a titi ba da sunan almajiranci, su ne suka fi kowa ƙiran al’ummar musulmi da su shiga aikin ɗamara da siyasa su kuma nuna kishin ƙasarsu da al’ummarta.